Molimo a ka U Hlohonolofatsa ka ho sa Feleng

Molimo o ile a tšepisa moprofeta Abrahama hore e mong oa litloholo tsa hae o tla hlohonolofatsa “lichaba tsohle tsa lefatše.” (Genese 22:​18) Ebe setloholo seo ke mang?

Lilemong tse ka bang 2 000 tse fetileng Molimo o ile a fa setloholo sa Abrahama e leng Jesu matla a ho etsa mehlolo. Mehlolo eo e ne e bontša hore tšepiso eo Molimo a e etselitseng Abrahama e ne e tla phethahala ka Jesu.​—Bagalata 3:14.

Mehlolo eo Jesu a e entseng e ne e bontša hore o khethiloe ke Molimo hore a hlohonolofatse lichaba, hape e ile ea bontša hore na Molimo o tla hlohonolofatsa batho joang ka ho sa feleng. Makhabane a latelang a Jesu a ile a bonahala ka ho hlaka ha a ne a etsa mehlolo.

Mosa​—Jesu o ne a phekola ba kulang.

Ka le leng molepera o kile a kopa Jesu hore a mo folise. Jesu o ile a mo tšoara eaba o re: “Kea batla.” Lepera la hae le ile a fola hang-hang!​—Mareka 1:​40-42.

Ho fana​—Jesu o ne a fepa ba lapileng.

Jesu o ne a sa rate ha batho ba lapile. O kile a fepa batho ba likete ka ho atisa mahobe le litlhapi tse fokolang ’me ha aa etsa seo ka lekhetlo le le leng. (Matheu 14:​17-21; 15:​32-38) Batho bohle ba ile ba ja ba khora, lijo tsa ba tsa sala li le ngata.

Kutloelo bohloko​—Jesu o ile a tsosa bafu.

Jesu o ile a hauhela mosali oa mohlolohali ea mahlomoleng ea neng a se a se na mang oe! ka hore a tsose mora oa hae ea mong to!​—Luka 7:​12-15.