Sebelisa U ka Thaba ka ho sa Feleng! ho Matlafatsa Tumelo ea Hao ho Jehova le Jesu

Batho ba ithutang Bibele ba lokela ho ba le tumelo e matla e le hore ba ka khahlisa Molimo. (Heb 11:6) Re ka ba thusa ho etsa sena re sebelisa buka ea U ka Thaba ka ho sa Feleng! Buka ena e na le mangolo a bohlokoa, litlhaloso tse hlakileng, lipotso tse susumetsang maikutlo, livideo tse khothatsang le litšoantšo tse khahlang mahlo. Ha re thusa batho bao re ithutang Bibele le bona hore ba be le makhabane a Bokreste le hore ba be le setsoalle le Jehova, ho tla ba joalokaha eka re haha ka thepa e sa cheng.​—1Ko 3:​12-15.

Batho ba bang ba utloa ho le thata ho ba metsoalle ea Molimo hobane ha ba mo bone. Kahoo, re lokela ho ba thusa hore ba tsebe Jehova haholoanyane le hore ba mo tšepe.

SHEBELLANG VIDEO EA MATLAFATSA TUMELO HO JEHOVA U SEBELISA BUKA EA “U KA THABA KA HO SA FELENG!” EBE LE ARABA LIPOTSO TSE LATELANG:

• Re tseba joang hore morali’abo rona o ile a lokisetsa hantle bakeng sa thuto ee?

• Morali’abo rona o ile a sebelisa lipotso tse eketsehileng joang e le hore a ka thusa moithuti oa hae hore a ntše maikutlo a hae mabapi le lengolo la Esaia 41:​10, 13?

• Video le lengolo la Bibele li ile tsa thusa moithuti joang?

Batho ba bangata ha ba utloisise hore na thekollo ke’ng ebile ha ba e nke e le mpho eo Molimo a re fileng eona. (Gal 2:​20) Kahoo re lokela ho ba thusa hore ba be le tumelo sehlabelong sa thekollo sa Jesu.

SHEBELLANG VIDEO EA MATLAFATSA TUMELO HO JESU U SEBELISA BUKA EA “U KA THABA KA HO SA FELENG!” EBE LE ARABA LIPOTSO TSE LATELANG:

• Re tseba joang hore mor’abo rona o ile a lokisetsa hantle bakeng sa thuto ee?

• Mor’abo rona o ile a sebelisa karolo ea “Batla” joang ho thusa motho eo a ithutang Bibele le eena?

• Ke hobane’ng ha thapelo e le bohlokoa bakeng sa batho ba ithutang Bibele?