Leqephe Leo Sehlooho se Hlahang ho Lona — Watchtower ONLINE LIBRARY

Leqephe Leo Sehlooho se Hlahang ho Lona

Buka ea Selemo ea Lipaki Tsa Jehova ea 2008

E Nang le Tlaleho ea Selemo sa Tšebeletso sa 2007

Buka ena ke ea ․․․․․․․․․․․․․․․․․

“Emang le tiile ’me le bone poloko ea Jehova.”—EX. 14:13.

Litaba li ne li le mosenekeng. Banna, basali le bana ba ka bang limilione tse tharo ba ne ba qabeletsoe lebōpong le ka bophirimela la Leoatle le Lefubelu! Kaha Faro le lebotho la hae ba ne ba tlotlolotsoe ba bile ba halefisitsoe ke hore Jehova o ne a otlile Baegepeta ka Likotlo Tse Leshome, ba ile ba khoroha joaloka litau tse lapileng ha li lalomela phofu e sitoang ho itoanela. Baiseraele ba ile ba haroha letsoalo. Eaba Moshe o re ho bona: “Le se ke la tšoha. Emang le tiile ’me le bone poloko ea Jehova . . . Jehova o tla le loanela.”—Ex. 14:13, 14.

Ke moo Jehova a ileng a bonahatsa matla a hae ka tsela e hlollang ’me a pholosa batho ba hae ka ho arola Leoatle le Lefubelu. Ka makhetlo-khetlo Jehova o ’nile a pholosa batho ba hae ha ho ne ho bonahala ho le hoputsoa pele! Kajeno Jehova o tsoela pele ho loanela bahlanka ba hae, joalokaha u tla elelloa ha u bala liphihlelo tse ngata tse hlahang mona Bukeng ea Selemo. E se eka mantsoe a qotsitsoeng ka holimo a temana ea selemo ea 2008 a ka matlafatsa tumelo ea hao ea hore litšepiso tsohle tsa Jehova li tla phethahala a be a u kholise haholoanyane hore tataiso ea hae e lerato.

[Moo Litšoantšo li Nkiloeng Teng leqepheng la 2]