B1
Molaetsa oa Bibele
Jehova Molimo o na le tokelo ea ho busa. Mokhoa oa hae oa ho busa ke oona o molemo. Morero oa hae ka lefatše le ka batho o tla phethahala.
Ka mor’a 4026 B.C.E. “Noha” e belaella tokelo ea Jehova ea ho busa le tsela ea hae ea ho busa. Jehova o tšepisa ho hlahisa “ngoana,” ea tla felisa noha e leng Satane. (Genese 3:1-5, 15) Empa Jehova o lumella hore ho fete nako batho ba ntse ba ipusa ba laoloa ke noha e leng Satane. |
1943 B.C.E. Jehova o bolella Abrahama hore “ngoana” ea tšepisitsoeng e tla ba e mong oa litloholo tsa hae.—Genese 22:18. |
Ka mor’a 1070 B.C.E. Jehova o kholisa Morena Davida ’me hamorao o kholisa le mora oa hae Solomone hore “ngoana” ea tšepisitsoeng o ne a tla hlaha lelokong la bona.—2 Samuele 7:12, 16; 1 Marena 9:3-5; Esaia 9:6, 7. |
29 C.E. Jehova o tsebahatsa Jesu e le “ngoana” ea tšepisitsoeng eo e tla ba Mojalefa teroneng ea Davida.—Bagalata 3:16; Luka 1:31-33; 3:21, 22. |
33 C.E. Noha e leng Satane, e holofatsa “ngoana” ea tšepisitsoeng ka ho etsa hore Jesu a bolaoe. Jehova o tsosa Jesu hore a e’o phela leholimong ’me o amohela bophelo ba Jesu bo phethahetseng boo a faneng ka bona e le sehlabelo ’me e e-ba motheo oa tšoarelo ea libe le ho fa litloholo tsa Adama bophelo bo sa feleng.—Genese 3:15; Liketso 2:32-36; 1 Bakorinthe 15:21, 22. |
Hoo e ka bang ka 1914 C.E. Jesu o lihela noha e leng Satane lefatšeng ’me o mo boloka moo ka nakoana.—Tšenolo 12:7-9, 12. |
Bokamoso Jesu o koalla Satane ka lilemo tse 1 000 ’me oa mo felisa, o mo khoba hlooho ka tsela ea tšoantšetso. Morero oa Jehova ka lefatše le batho oa phethahala ’me ho tlosoa qoso lebitsong la hae le pusong ea hae.—Tšenolo 20:1-3, 10; 21:3, 4. |