Molomo oa Squid
Na o Entsoe?
◼ Molomo oa squid o makatsa bo-rasaense. Baa ipotsa hore na, ‘Ho tla joang hore phoofotsoana ee e se nang masapo e be le molomo o thata hakaalo? Na see se ke ke sa etsa hore litho tsa eona tsa ’mele li khathale ’me li utloe bohloko?’
Ak’u nahane: Ntlha ea molomo oa squid e thata, ha karolo e ka tlaase eona e le bonolo. Molomo oa eona o entsoeng ka chitin, metsi le protheine—o fetola sebōpeho sa oona butle-butle, ho tloha boemong ba ho ba bonolo hore o be thata, e le hore e ka o sebelisa e sa utloe bohloko.
Moprofesa Frank Zok, oa Univesithi ea California, o re ho ithuta ka molomo oa squid ho ka “fetola ka ho feletseng tsela eo baenjiniere ba nahanang ka eona mabapi le ho kopanya lintho tse ka sebelisoang ka litsela tse sa tšoaneng.” Tsela e ’ngoe eo ho ka sebelisoang sena ka eona ke ha ho etsoa litho tsa ’mele tsa maiketsetso. Ali Miserez, eo e leng mofuputsi hona univesithing eo, o nahana ho “etsa setho sa ’mele sa maiketsetso se entsoeng ka tsela e tšoanang le ea molomo [oa squid], e le hore se ka ba bonolo joaloka lefufuru ka lehlakoreng le leng, ’me ka lehlakoreng le leng,” sa etsoa ka “thepa e thata haholo le e sa senyeheng habonolo ha e hohlana le lintho tse ling.”
U nahana’ng ka see? Na molomo oa squid o khonang ho fetola sebōpeho sa oona ho tloha ntlheng ho isa karolong e ka tlaase o bile teng ka tšohanyetso? Kapa na o entsoe?
[Litlhaloso Tsa Moo Litšoantšo li Nkiloeng Teng tse leqepheng la 9]
© Bob Cranston/SeaPics.com
© Richard Herrmann/SeaPics.com