Ho Tloha Egepeta ho ea Naheng e Tšepisitsoeng

HOHLE batho ba tseba ka taba ea Ho Falla Egepeta. Empa Moshe le batho ba Molimo ba ne ba letetsoe ke eng ka mor’a ho tšela Leoatle le Lefubelu? Ba ile ba ea hokae, ’me ba tšela Nōka ea Jordane joang e le hore ba ka kena Naheng e Tšepisitsoeng?

Pakane ea bona e ne e le ho kena naheng ea Kanana, empa Moshe ha aa ka a khetha tsela e khaoletsang—e ka bang bolelele ba lik’hilomithara tse ka bang 400 e sikang le lebōpo le lehlabathe—e leng ho ka beng ho entse hore ba fete naheng ea lira ea Filistia. Ebile ha aa ka a tsamaea le khubung ea naha e bataletseng ea Hloahloa ea Sinai, moo ho neng ho chesa haholo ’me ho omeletse. Che, Moshe o ile a lebisa sechaba boroa, ho theosa le lebōpo la leoatle le nammeng le patisaneng. Sebaka seo ba ileng ba hloma litente ho sona ka lekhetlo la pele ke Mara, moo Jehova a ileng a etsa hore metsi a babang a be monate.a Ka mor’a hore ba tlohe Elime batho ba ile ba belaela ka lijo; Molimo a romela likoekoe hamorao a romela manna. Ha ba le Refidime, batho ba boela ba belaela ka metsi, Baamaleke ba hlaselang ba hlōloa, ’me mohoe oa Moshe a mo khothalletsa ho batla thuso ho banna ba nang le litšoaneleho tse hlokahalang.—Ex, khao. 15-18.

Ka mor’a moo Moshe a lebisa Baiseraele lithabeng ho ella ka boroa, ba hloma litente Thabeng ea Sinai. Ha ba le moo, batho ba Molimo ba amohela Molao, ba haha tabernakele le ho etsa mahlabelo. Selemong sa bobeli, ba leba leboea ba tsamaea ho pholletsa le “lefeella . . . lohle le leholo le tšosang,” e leng leeto le eang Kadeshe (Kadeshe-barnea), kamoo ho bonahalang kateng ba nkile matsatsi a 11. (De 1:1, 2, 19; 8:15) Ka lebaka la ho tšosoa ke litlaleho tse nyahamisang tsa lihloela tse leshome, batho ba ile ba tlameha ho lelera ka lilemo tse 38. (Nu 13:1–14:34) Libaka tse ling tseo ba ileng ba emisa ho tsona li akarelletsa Abrona le Ezione-gebere, eaba ba khutlela Kadeshe.—Nu 33:33-36.

Ha ho fihla nako ea hore Baiseraele ba kene Naheng e Tšepisitsoeng ha baa ka ba leba leboea. Tsela eo ba tsamaileng ka eona e ile ea etsa hore ba fete le motse-moholo oa Edomo ba kene “tseleng ea morena,” e leng Tsela e Khōlō ea Morena. (Nu 21:22; De 2:1-8) Ho ne ho se bonolo hore sechaba sohle—se nang le bana, liphoofolo le litente—se tsamaee tseleng ena. Ba ne ba tlameha ho theosa le ho nyolosa ba tsoa likhohlong tse tšosang—ea Zerede le ea Arnone (tse ka bang botebo ba limithara tse 520).—De 2:13, 14, 24.

Qetellong, Baiseraele ba fihla Thabeng ea Nebo. Miriame o ne a shoeletse Kadeshe ’me Arone a shoeletse Thabeng ea Hore. Moshe eena a shoa a le lintšing tsa naha eo a neng a lakatsa ho kena ho eona. (De 32:48-52; 34:1-5) Joshua a jara boikarabelo ba ho etella Baiseraele pele ho kena naheng eo, e leng se ileng sa phetha leeto le qaliloeng lilemong tse 40 tse fetileng.—Jos 1:1-4.

[Mongolo o botlaaseng ba leqephe]

[Lebokose leqepheng la 8]

LIBUKA TSA BIBELE TSE NGOTSOENG HO TLOHA KA NAKO ENA:

Genese

Exoda

Levitike

Numere

Deuteronoma

Jobo

Lipesaleme (karolo e itseng)

[’Mapa o leqepheng la 9]

(Sheba boitsebiso bo hlophisitsoeng hantle khatisong)

Tsela ea ho Falla

Tsela eo Baiseraele ba Tsamaileng ka Eona

A7 EGEPETA

A5 Ramsese?

B5 Sukothe?

C5 Ethame?

C5Pihahirothe

D6 Mara

D6 Elime

E6 LEFEELLA LA SINE

E7 Dofeka

F8 Refidime

F8 Thaba ea Sinai (Horebe)

F8 LEFEELLA LA SINAI

F7 Kibrothe-hatava

G7 Hazerothe

G6 Rimone-pereze

G5 Risa

G3 Kadeshe

G3 Bene-jakane

G5 Hore-hagidegade

H5 Jotbatha

H5 Abrona

H6 Ezione-gebere

G3 Kadeshe

G3 LEFEELLA LA ZINE

H3 Thaba ea Hore

H3 Zalmona

I3 Punone

I3 Iye-abarime

I2 MOABE

I1 Dibone

I1 Almone-diblathaime

H1 Jeriko

[Libaka tse ling]

A3 GOSHENE

A4 One

A5 Memfise (Nofe)

B3 Zooane

B3 Takpanese

C5 Migdole

D3 SHURE

D5 LEFEELLA LA ETHAME

F5 LEFEELLA LA PARANE

G1 FILISTIA

G1 Ashdode

G2 Gaza

G2 Beerseba

G3 Azmone

G3 NEGEBE

H1 Jerusalema

H1 Hebrone (Kiriathe-arba)

H2 Arade (Mokanana)

H4 SEIRE

H4 EDOMO

I7 MIDIANE

Litsela Tse Khōlō

Tsela e Eang Naheng ea Bafilista

Tsela e Eang Shure

I4 Tsela ea Morena

Tsela ea Sehlopha sa Batsamai

Tsela ea El Haj

[Lithaba]

F8 Thaba ea Sinai (Horebe)

H3 Thaba ea Hore

I1 Thaba ea Nebo

[Moo ho Nang le Metsi]

E2 Leoatle la Mediterranean (Leoatle le Leholo)

D7/G7 Leoatle le Lefubelu

I1 Leoatle la Letsoai

[Linōka le melapo]

A6 Nōka ea Nile

F3 P.M.P. ea Egepeta

I2 Arnone

I3 Zerede

[Setšoantšo se leqepheng la 8]

Sehlopha sa batsamai se ile sa tšela Hloahloa ea Sinai

[Setšoantšo se leqepheng la 8]

Baiseraele ba ile ba hloma litente ka pel’a Thaba ea Sinai

[Setšoantšo se leqepheng la 9]

Metsi a ne a fumaneha lilibeng tsa Kadeshe kapa pel’a eona

[Setšoantšo se leqepheng la 9]

Baiseraele bohle ba ile ba lokela ho tšela phula ea molapo o phoroselang ea Arnone