“Ka Ntlo le Ntlo”

1. Ka ntlo le ntlo, re bolella

Batho bohle Lentsoe.

Metseng eohle le malapeng,

Nku li hlokometsoe.

Jesu o boletse a re:

‘Litaba tsa ’Muso

Li tla boleloa lichabeng’

Ke Bakreste bohle.

2. Ka ntlo le ntlo, re bolela

Ka ’Muso oa ’Mopi

Le hore o tla pholosa

Bohle ba mo hlomphang.

Empa ba ka mo hlompha joang

Ha ba sa mo tsebe?

Re tla ba ruta ka eena,

Hore ba mo tsebe.

3. Ka ntlo le ntlo, re bolelleng

Bohle ka ’Muso’a Jah.

Ba tla khetha ho mamela,

Kapa ho se utloe.

Re tla rorisa Jehova,

Re ee ka ntlo le ntlo

’Me re tla fumana batho

Ba ratang Jehova.