Molimo o Kae ha ho le Tjee?
La 11 September, 2001: Ka 8:46 hoseng, sefofane se seholo sa baeti se ile sa thula mohaho o ka leboea oa World Trade Center, New York City—e leng tlhaselo ea bokhukhuni ea pele ho tse ’maloa tse neng li reriloe. Ka mor’a metsotso e 102, ho ne ho se ho shoele batho ba ka bang 3 000.
December 26, 2004
Leoatleng la Indian, tšisinyeho ea lefatše e boholo ba 9,0 sekaleng sa Richter e ile ea baka maqhubu a maholo a kotsi a ileng a ama linaha tse 11, ho akarelletsa le tsa Afrika e bohōle ba lik’hilomithara tse ka bang 5 000. Ka letsatsi le le leng feela batho ba 150 000 ba ne ba shoele kapa ba nyametse, ha ba fetang milione bona ba ne ba se na mahae.
La 1 August, 2009: Ntate ea lilemo li 42 le mora oa hae ea lilemo li hlano, ba ne ba palame sethuthuthu sa metsing ha se tla thula boema-kepe bo hahiloeng ka lehong. Ntate o ile a hlokahala hang-hang. Mora eena o ile a phela-phela empa a shoa letsatsing le hlahlamang. Beng ka bona ba neng ba saretsoe ba ile ba re: “Re ne re tšepile hore ho tla etsahala mohlolo ebe oa hlaphoheloa.”
Ha u bala ka litlhaselo tsa bokhukhuni kapa ka likoluoa tsa tlhaho, kapa u hlaheloa ke tlokotsi e itseng, na u ee u ipotse hore na Molimo o bona lintho tse etsahalang? Na u ke u ipotse hore na ebe Molimo o re lahlile? Sehloohong se latelang re tla hlokomela hore Bibele e fana ka karabo e tšelisang.
[Litlhaloso Tsa Moo Litšoantšo li Nkiloeng Teng tse leqepheng la 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures