LIPOTSO TSA BIBELE LIA ARAJOA

Diabolose o tsoa hokae?

Molimo ha aa bōpa Diabolose. Ho e-na le hoo, Molimo o ile a bōpa lengeloi leo hamorao le ileng la fetoha Diabolose ea tsejoang hape e le Satane. Jesu o ile a bolela hore Diabolose o kile a tšepahala ebile o ne a hloka molato. Kahoo, qalong Diabolose e ne e le lengeloi le lokileng la Molimo.—Bala Johanne 8:44.

Ho tlile joang hore lengeloi le lokileng le fetohe Diabolose?

Lengeloi le ileng la fetoha Diabolose le ile la hanyetsa Molimo ’me la susumetsa batho ba pele ba babeli hore ba fetohele Molimo. Eaba le iketsa Satane, e bolelang “Mohanyetsi.”—Bala Genese 3:1-5; Tšenolo 12:9.

Joaloka libōpuoa tse ling tse bohlale tsa Molimo, lengeloi le ileng la fetoha Diabolose le ne le e-na le bolokolohi ba ho khetha pakeng tsa se fosahetseng le se nepahetseng, empa le ile la hōlisa takatso ea ho batla ho rapeloa. Takatso ea hae ea ho rata ho rapeloa e ile ea ba matla ho feta takatso ea ho thabisa Molimo.—Bala Matheu 4:8, 9; Jakobo 1:13, 14.

Diabolose o ntse a tsoela pele joang ho susumetsa batho? Na u lokela ho mo tšaba? U ka fumana likarabo tsa lipotso tsena ka Bibeleng.