Bibele e Re’ng?
Diabolose ke mang?
NA U KA RE Diabolose ke . . .
Motho ea sa bonahaleng?
Bokhopo bo ka pelong ea motho?
Ntho eo batho ba inahanelang eona?
SEO BIBELE E SE BUANG
Diabolose o ile a bua le Jesu ’me a mo ‘leka.’ (Matheu 4:1-4) Kahoo Diabolose ha se ntho eo batho ba inahanelang eona kapa bokhopo bo ka pelong ea motho. Ke sebōpuoa sa moea se khopo.
SEO RE ITHUTANG SONA HAPE BIBELENG
Pele Diabolose e ne e le lengeloi le halalelang empa “ha aa ka a ema a tiile ’neteng.” (Johanne 8:44) O ile a ba leshano ’me a fetohela Molimo.
Mangeloi a mang le ’ona a ile a fetohela Molimo joaloka Satane.—Tšenolo 12:9.
Diabolose o foufalitse batho ba bangata hore ba se ke ba lumela hore o teng.—2 Bakorinthe 4:4.
Na Diabolose a ka laola batho?
BATHO BA BANG BA LUMELA hore ke leshano taba ea hore Diabolose o laola batho, ha ba bang bona ba tšaba ho kenoa ke meea e mebe. Uena u re’ng?
SEO BIBELE E SE BUANG
“Lefatše lohle le rapaletse matleng a ea khopo.” (1 Johanne 5:19) Diabolose o na le matla a ho laola batho, empa ha a laole motho e mong le e mong.
SEO RE ITHUTANG SONA HAPE BIBELENG
Diabolose o qhekella batho e le hore a ba laole.—2 Bakorinthe 11:14.
Ka linako tse ling batho ba ka laoloa ke meea e khopo.—Matheu 12:22.
Molimo a ka u thusa hore u “hanyetse Diabolose.”—Jakobo 4:7.