Bibele E Re’ng?

Na ho na le mohla ho tla ba le khotso lefatšeng?

Uena u ka re’ng?

• E

• Che

• Mohlomong

Bibele eona e re’ng?

“Khotso e tla ba ngata ho fihlela khoeli e se e le sieo” (e leng se bolelang hore khotso e tla lula e le teng) nakong eo Jesu a tla beng a busa lefatše.—Pesaleme ea 72:7.

Bibele e re’ng hape?

• Ho ke ke ha hlola ha e-ba le batho ba khopo, kahoo batho bohle ba lokileng “ba tla fumana thabo e phethehileng khotsong e ngata.” —Pesaleme ea 37:10, 11.

• Molimo o tla felisa ntoa. —Pesaleme ea 46:8, 9.

Na ho ka etsahala hore motho a be le khotso mehleng ee?

Batho ba bang ba lumela hore . . . motho a ke ke a ba le khotso hafeela ho ntse ho se na toka lefatšeng. Uena u lumela’ng?

Bibele eona e re’ng?

Le hona joale batho ba nang le kamano e ntle le Molimo ba ba le “khotso ea Molimo e fetang monahano oohle.”—Bafilipi 4:6, 7.

Bibele e re’ng hape?

• Molimo o tšepisa hore o tla felisa tšotleho le ho hloka toka ebe o “etsa hore lintho tsohle li be ncha.”—Tšenolo 21:4, 5.

• Re ka ba le khotso kamehla haeba re e-na le kamano e ntle le Molimo.—Matheu 5:3.