Setho Se Secha Sa Sehlopha Se Busang

HOSENG ha Laboraro la la 24 January, 2018 ho ile ha tsebisoa lelapa la Bethele le Amerika le le Canada hore mor’abo rona Kenneth Cook, Jr. o se a tl’o sebeletsa e le setho sa Sehlopha se Busang.

Mor’abo rona Cook o hlahetse Pennsylvania Amerika a ba a holela hona teng. Nakoana pele a qeta sekolo, moithuti-’moho le eena o ile a mo ruta ka Jehova eaba o kolobetsoa ka li 7 tsa June 1980. E ile ea e-ba pula-maliboho ea kamehla ka li 1 tsa September 1982. Lilemo tse peli hamorao ka li 12 tsa October, o ile a memeloa ho ea sebetsa Bethele e Wallkill New York.

Ho tloha moo, o ile a etsa mesebetsi e fapaneng ka lilemo tse 25 ho akarelletsa le oa khatiso. Ka 1996 o ile a nyalana le morali’abo rona Jamie eaba ba sebetsa ’moho Bethele e Wallkill. Ka December 2009, ba ile ba isoa Setsing sa Thupelo sa Watchtower se Patterson New York moo mor’abo rona Cook a ileng a sebetsa Lefapheng la Bongoli le Arabang Lipotso. Ba ne ba e-s’o lule nako e telele Wallkill ha ka April 2016 ba isoa Brooklyn New York. Ka mor’a likhoeli tse hlano ba ile ba fallela ntlo-kholo e Warwick New York eaba ka January 2017 o khetheloa ho ba mothusi oa Komiti ea Bongoli ea Sehlopha se Busang.