Litaba Tsa Puso ea Molimo

◆ Canada e fetile pakane ea 100 000 kakaretsong ea bahoeletsi ka April, ka tlhōrō e ncha ea bahoeletsi ba 100 368.

◆ Lihleke-hleke tsa Cape Verde li bile le tlhōrō ea bahoeletsi ba 410 ka April ka keketseho ea 19 lekholong holim’a karolelano ea selemong se fetileng. Bahoeletsi ba phutheho ba bile le karolelano ea lihora tse 14,5, ’me ho ile ha tlalehoa tlhōrō ea lithuto tsa Bibele tse 856.

◆ Likhoeling tsa June le July ho ile ha neheloa Liholo tsa ’Muso tse robong. Liphutheho tse neng li ameha ke Uitenhage North, South End (Port Elizabeth), Maboloka le Letlhabile (tikolohong ea Brits), Pimville East (Soweto), Duduza (Nigel), Jouberton (Klerksdorp), le Bloemhof. Holo ea ’Muso e Blairgowrie (Johannesburg) e ile ea nchafatsoa. Likomiti tsa Kaho tsa Lebatooa tse 20 li etsa mosebetsi o motle haholo ho thusa liphutheho. Maemong a mang baena bana ba ba le mosebetsi o mongata ho feta oo ba ka o khonang. Ka mohlala, tikolohong ea Nelspruit feela ho hlokahala hore ho ahoe bonyane Liholo tsa ’Muso tse 20. Ho na le boemo bo tšoanang libakeng tse ling. Hang hape re ipiletsa ho ba ka khonang ho thusa hore ka kōpo ba iteanye le Mokhatlo kapa Komiti ea Kaho ea Lebatooa ea habo bona. Ho hlokahala hore Liholo tsa ’Muso li phethoe kapele kamoo ho ka khonehang ho khotsofatsa tlhokahalo eo e potlakileng ka ho fetisisa.