Litaba Tsa Puso ea Molimo

Afrika Boroa: Ho ile ha neheloa Liholo tsa ’Muso tse eketsehileng tse hlano. Tsona ke Alexandra East (Johannesburg), Amatikulu (haufi le Empangeni), Thokoza South (Alberton), Mistymount le Ntlaza. Mistymount le Ntlaza ke liphutheho tse nyenyane tsa moo pele e neng e le Transkei. Baena ba ile ba haha liholo tsena ntle ho kalimo e tsoang ho Mokhatlo, e leng se babatsehang haholo. Re ananela tšehetso e sa khaotseng eo le fanang ka eona lenaneong la Kaho ea Holo ea ’Muso.

Ba etsang kakaretso ea 127 956 ba bile teng Likopanong tsa Setereke tsa “Tšabo ea Bomolimo” Afrika Boroa, Botswana, Lesotho, Namibia, St. Helena le Swaziland. Rea thaba hore ba 2 516 ba ile ba kolobetsoa.

Central African Republic: Mosebetsi o entsoeng tšebeletsong khoeling ea October e bile o babatsehang, ka tlhōrō ea bahoeletsi ba 1 846. Mananeo a letsatsi la kopano le khethehileng a ile a tšoareloa libakeng tse 19, ’me ba bileng teng ba etsa kakaretso ea 5 577 ha kolobetsoa ba 32.

Mexico: Ka November, ho ile ha tlaleha bahoeletsi ba 411 292. Ena ke tlhōrō e ’ngoe e ncha.