’Muso oa Molimo Ke’ng?
Jesu o ile a ruta balateli ba hae ho rapela, a re ba re: “‘Ntat’a rona ea maholimong, lebitso la hao le ke le halaletsoe. ’Muso oa hao o ke o tle. Thato ea hao e ke e etsahale lefatšeng, joalokaha e etsahala leholimong.” (Matheu 6:9, 10) ’Muso oa Molimo ke’ng? O etsa’ng? Hona ke hobane’ng ha re lokela ho rapella?
Jesu ke Morena oa ’Muso oa Molimo.
Luka 1:31-33: “U tla mo reha lebitso la Jesu. O tla ba moholo ’me o tla bitsoa Mora oa Ea Phahameng ka ho Fetisisa; Jehova Molimo o tla mo fa terone ea ntat’ae Davida, ’me o tla busa e le morena oa ntlo ea Jakobo ka ho sa feleng, ’me ’muso oa hae o ke ke oa e-ba le bofelo.”
Molaetsa o ka Sehloohong oo Jesu a Neng a o Ruta ke oa ’Muso oa Molimo.
Matheu 9:35: “Jesu a qala ho etela metse le metsana eohle, a ruta ka lisynagogeng tsa eona le ho bolela litaba tse molemo tsa ’muso ’me a phekola lefu la mofuta o mong le o mong le mefokolo ea mofuta o mong le o mong.”
Jesu o ile a fa barutuoa ba hae pontšo ea hore na ba tla bona ka’ng ha ’Muso oa Molimo o se o atametse.
Matheu 24:7: “Sechaba se tla tsohela sechaba matla le ’muso o tla tsohela ’muso matla, ’me ho tla ba le likhaello tsa lijo le litšisinyeho tsa lefatše sebakeng se seng ka mor’a se seng.”
Balateli ba Jesu ba ruta batho ka ’Muso oa Molimo lefatšeng lohle.
Matheu 24:14: “Litaba tsena tse molemo tsa ’muso li tla boleloa lefatšeng lohle leo ho ahiloeng ho lona hore e be bopaki ho lichaba tsohle, joale e ntan’o ba hona bofelo bo tla tla.”