Tsela ea ho Buella Limakasine

Molula-Qhooa Mar. 15

“Na u nahana hore lithuto tsa Jesu lia sebetsa mehleng ea rōna? [Emela karabo.] Ha ho pelaelo hore u tla lumellana le taelo eo Jesu a faneng ka eona letsatsing la ho qetela la bophelo ba hae. [Bala Johanne 15:12.] Letsatsing leo Jesu o ile a ruta le lithuto tse ling tsa bohlokoa. Molula-Qhooa ona o bontša kamoo re ka ruang molemo kateng ho tsona.”

Molula-Qhooa Apr. 1

“Setšoantšong sena re bona lijo tseo ka tloaelo ho thoeng ke Lijo Tsa Mantsiboea a ho Qetela. [Mo bontše makasine ka pele le ka morao.] Na u ne u tseba hore ke eona feela ketsahalo eo Bakreste ba laetsoeng ho e hopola? [Emela karabo. Ebe u bala Luka 22:19.] Makasine ena e hlalosa lebaka leo ka lona mokete ona e leng oa bohlokoa le kamoo o u amang kateng.”

Tsoha! Apr. 8

“Na ha ho utloise bohloko hore ebe bophelo ba batho ba bangata ba bacha bo sentsoe ke lithethefatsi? [Emela karabo.] Hangata mathata a qala ha bacha ba e-ba le metsoalle e mebe. [Bala 1 Bakorinthe 15:33.] Tokollo ena ea Tsoha! e bua ka se susumelletsang bacha ho qala ho sebelisa lithethefatsi le seo batsoali ba ka se etsang ho ba sireletsa.”

Nehelano e ’ngoe: “Na u hlokometse hore matsatsing aa batho ba bangata baa hlobaela? [Emela karabo.] Matšoenyeho le litsietsi li ka baka boemo bona. [Bala Moeklesia 5:12.] Makasine ena e bua ka lisosa tse ling tsa ho hlobaela, ’me e fana ka likeletso tse sebetsang tsa kamoo re ka ntlafatsang mekhoa ea rōna ea ho robala.”