Tsela ea ho Buella Limakasine

Molula-Qhooa Aug. 15

“Nka rata ho utloa maikutlo a hao ka temana ena. [Bala Baheberu 3:4.] Na u lumela hore leholimo le lefatše li entsoe ke ’Mōpi ea bohlale? [Emela karabo.] Makasine ena e tšohla taba ea hore na ho lumela ho ’Mōpi ho lumellana le saense ea ’nete.”

Tshoa! Aug.

Ha u bua le mocha u ka ’na ua re: “Lithaka tsa hao tse ngata li ’nile tsa utloisoa bohloko ke lesebo le bontšang lonya. Na u kile ua etsahalloa ke ntho e joalo? [Emela karabo.] Bibele e fana ka keletso e ntle e ka re thusang haeba re ka sejoa. E boetse e bontša kamoo rōna ka borōna re ka qobang lesebo le kotsi.” Mo bontše sehlooho se qalang leqepheng la 12, ebe u bala lengolo le leng le sehloohong seo.

Molula-Qhooa Sept. 1

“Batho ba bangata ba nahana hore ‘Testamente ea Khale’ e na le histori e ka re thusang. Empa baa ipotsa hore na ebe e ka khona ho re tataisa kajeno. Uena u ka re’ng? [Emela karabo. Ka mor’a moo bala Baroma 15:4.] Makasine ena e bontša kamoo ‘Testamente ea Khale’ e fanang ka keletso e molemo e ka re thusang bophelong ba letsatsi le letsatsi le tšepo ea sebele bakeng sa bokamoso.”

Tshoa! Sept.

“Na u nahana hore Molimo ke eena ea bakang likoluoa tsa tlhaho? [Emela karabo. Ka mor’a moo bala Deuteronoma 32:4.] Makasine ena e tšohla hore na ke hobane’ng ha Molimo a lumeletse hore ho be le likoluoa tsa tlhaho. E boetse e hlalosa kamoo u ka sireletsang lelapa la hao kateng.”