“ ’Muso oa Hao o ke o Tle”—Thapelo e Rapeloang ke Batho ba Limilione
Na u kile oa rapella hore ’Muso oa Molimo o tle? Ka lilemo-lemo, haesale batho ba pheta-pheta mantsoe a reng “ ’Muso oa hao o ke o tle.” Ke hobane’ng ha ba ne ba rapela ka tsela eo? Ke hobane Jesu o ile a laela balateli ba hae hore ba rapelle ’Muso oa Molimo.
Qalong balateli ba Jesu ba ne ba sa utloisise ntho e ngoe le e ngoe eo a e buileng ka ’Muso. Kahoo ba ile ba mo botsa ba re: “Morena, na u khutlisetsa ’muso ho Iseraele nakong ee?” Mohlomong ba ile ba makala ha Jesu a sa bafe karabo e tobileng (Liketso 1:6, 7) Empa na see se bolela hore re ke ke ra tseba hore na ’Muso oa Molimo ke’ng kapa hore na o tla neng? Le hanyenyane!
Molula-qhooa ona o tla u thusa hore u tsebe likarabo tsa lipotso tse latelang:
Ke hobane’ng ha re hloka ’Muso oa Molimo?
Morena oa ’Muso oa Molimo ke mang?
’Muso oa Molimo o tla busa lefatše neng?
’Muso oa Molimo o tla etsa’ng?
Ke hobane’ng ha re lokela ho tšehetsa ’Muso oa Molimo hona joale?
’Muso oa Molimo ke’ng?