Na U Sebelisa JW Library?

JW Library ke lenaneo le sa lefelloeng moo u ka daunloudelang fonong, thableteng kapa k’homphieutheng Bibele le lingoliloeng tse ling, livideo le mananeo a mameloang.

TSELA EA HO E FUMANA: Kena Inthaneteng ’me u daunloude JW Library. U ka sebelisa lenaneo lena lisebelisoeng tsa elektronike. Ha u se u kene Inthaneteng, bula lenaneo ebe u khetha likhatiso tseo u ka ratang ho li daunlouda. Haeba ha u khone ho kena Inthaneteng lapeng, u ka e fumana Holong ea ’Muso, laebraring kapa lebenkeleng la kofi. Ha u se u dauloudile likhatiso, ho ke ke ha hlokahala hore u kene Inthaneteng nakong eo u li hlokang. Kaha lenaneo lena le lula le nchafatsoa, u lokela ho kena Inthaneteng nako le nako e le hore u le ntlafatse.

KE HOBANE’NG HA U LOKELA HO BA LE LONA? Ho bonolo ho etsa thuto ea botho u sebelisa JW Library hape e ka u tsoela molemo ha u e sebelisa libokeng. U ka boela ua e sebelisa tšimong, haholo ha u paka kae kapa kae moo u ka fumanang batho.