Litsela Tsa ho Sebelisa JW Library

HA U ITHUTA:

• Bala Bibele le temana ea letsatsi

• Bala Buka ea Selemo, limakasine le lingoliloeng tse ling. Tobetsa letšoao la bookmark

• Lokisetsa liboka ’me u tšoaee likarabo

• Shebella livideo

HA U LE LIBOKENG:

• Phetla litemana tseo sebui se kōpang hore li baloe. Tobetsa letšoao la history ha u khutlela temaneng

• Ho e-na le ho nka libuka tse ngata ha u ea libokeng, nka sesebelisoa sa elektronike ’me u se sebelise le ha u bina. U ka fumana lipina tse ncha ho JW Library tse sieo bukeng ea lipina

HA U LE TŠIMONG:

• Bontša motho ea thahasellang sengoliloeng se hlahang ho JW Library, ebe u mo thusa ho daonlouda JW Library le lingoliloeng

• Tobetsa moo ho ngotsoeng search e le hore u fumane temana ea Bibele.

• Bapala video. Haeba ho e-na le bana ntlong eo, u ka bapala e ’ngoe ea livideo tsa E-ba Motsoalle oa Jehova. Kapa u bapale video ea Ke Hobane’ng ha U Lokela ho Ithuta Bibele? e le hore u mo khothalletse ho ithuta Bibele. Haeba motho a bua puo e ’ngoe mo bontše video ka puo eo a e buang

• Bontša motho temana ka puo e ’ngoe u sebelisa Bibele eo u seng u e daunloudile. E-ea temaneng eo, u tobetse nomoro ea temana, ebe u tobetsa letšoao la Bibele ’me u tla bona temana eo Libibeleng tse ling