Kamoo re ka Fanang ka Likarabo Tse Lokiselitsoeng Hantle

Likarabo tse lokiselitsoeng hantle li matlafatsa phutheho. (Bar 14:19) Li matlafatsa le batho ba fanang ka tsona. (Lipr 15:23, 28) Ka lebaka leo, re lokela ho ikemisetsa ho arabela sebokeng se seng le se seng. Ke ’nete hore hase ka linako tsohle re ka khethoang hore re arabe ha re phahamisitse letsoho. Ka hona ho molemo ho lokisetsa likarabo tse ’maloa.

Karabo e lokiselitsoeng hantle . . .

• e bonolo, e hlakile hape e khutšoanyane. Hangata e ka fanoa ka metsotsoana e 30 kapa ka tlaase ho moo

• e ba monate haholo ha motho a fana ka eona a sa bale serapeng

• ha e phete seo motho e mong a seng a se buile

Haeba u le motho oa pele oa ho araba serapeng, . . .

• fana ka karabo e bonolo, e tobileng

Haeba potso e se e arabetsoe ka ho toba u ka . . .

• hlalosa hore na lengolo le hlahang serapeng le amana joang le taba eo ho buuoang ka eona

• bolela hore na taba eo e re ama joang

• hlalosa hore na taba eo e ka re tsoela molemo joang

• bolela kamoo taba eo e kileng ea tsoela motho e mong molemo