Molimo a ka U Hlokomela le ho U Sireletsa ka ho sa Feleng

• Na u labalabela ho phela lefatšeng le se nang lintoa, liqhoebeshano le merusu?

• Na u lakatsa eka ho ka be ho se na lintho tse bohloko, ho kula le lefu?

• Na u labalabela ho lula u sa ngongorehe ebile u sa tšoha?

• Na u lakatsa ho phela moo ho sa beng le likoluoa tsa tlhaho?

Molimo oa rona ea lerato, ea bopileng lefatše lena le letle, o tšepisitse hore o tla hlohonolofatsa batho ka bophelo bo thabileng le bo nang le khotso ka ho sa feleng. Taba ena ha se toro feela.

Lihloohong tse latelang re kopa hore u nahane ka lintlha tsena:

• ’Mopi oa rona o ikutloa joang ka batho?

• Molimo o re file molaetsa ofe?

• Baprofeta ba Molimo ba re’ng ka lintho tseo Molimo a re etsetsang tsona le tseo a tla re etsetsa tsona nakong e tlang?

• Ke eng eo re ka e etsang e le hore re thabe hona joale le hore Molimo a re hlohonolofatse nakong e tlang?

A re qaleng ka ho hlahloba lintho tsohle tseo ’Mopi a re fang tsona ho bontša hore oa re rata le hore oa re tsotella.