Bo-pula-maliboho ba bolela litaba tse molemo ka puo ea Setzotzil ba le Chiapas, Mexico
Mehlala ea Seo U ka se Buang le Batho
MOLULA-QHOOA
Potso: U ka re’ng ha motho a u botsa hore na ho joang leholimong?
Lengolo: Joh 8:23
Buella Sengoliloeng: Molula-Qhooa ona o bontša hore na Jesu le Ntate oa hae ba re ho joang leholimong.
RUTA MOLAETSA OA BIBELE
Potso: Na u ua lumela hore boprofeta boo bo hlalosa se etsahalang mehleng ee?
Lengolo: 2Ti 3:1-5
Molaetsa oa Bibele: Kaha boprofeta bo buang ka matsatsi a ho qetela boa phethahala, re ka ba le tšepo ea hore boprofeta bo buang ka bokamoso bo molemo le bona bo tla phethahala.
KE HOBANE’NG HA U LOKELA HO ITHUTA BIBELE? (Video)
Selelekela: Ke kōpa ho u bapalla video e khutšoanyane e bontšang hore na re ka fumana likarabo tse khotsofatsang tsa lipotso tsa bohlokoa hokae. [Bapala video.]
Buella Sengoliloeng: Buka ena e na le mangolo a Bibele a bontšang hore na Molimo o tla etsa’ng ho rarolla mathata a batho. [Buella buka ea Seo Bibele e se Rutang.]
NGOLA SEO U TLA SE BUA
Sebelisa mehlala ena ha u ngola seo u tla se bua le batho tšimong.