Ke Hobane’ng ha Borapeli ba ’Nete e le ba Bohlokoa ho Uena?

Bajuda ba neng ba le Babylona ba ile ba khothatsoa ke pono eo ho eona Ezekiele a ileng a bona tempele hobane e ne e etsa hore ba be le tšepo ea hore borapeli ba ’nete bo tla tsosolosoa. Mehleng ena ea bofelo, borapeli ba ’nete ‘bo tla tiisoa ka thata ka holim’a litlhōrō tsa lithaba’ ’me re har’a ba tsoang lichabeng tsohle ba phallelang ho bona. (Esa. 2:2) Na u lula u nahanisisa ka tlotla eo u nang le eona ea ho tseba Molimo le ho mo sebeletsa?

LITHLOHONOLOFATSO TSE TLISOANG KE BORAPELI BA ’NETE:

• Re utloisisa Lentsoe la Molimo haholoanyane. Kahoo, ha re ithuta Bibele, re fumana likarabo tsa lipotso tsa bohlokoa bophelong le likeletso tseo re ka li sebelisang bophelong letsatsi le letsatsi. Hape, lintho tseo re ithutang tsona Bibeleng li re thusa ho ba le tšepo.—Esa. 48:17, 18; 65:13; Bar. 15:4

• Batho ba Jehova ba rata Bakreste-’moho le bona lefatšeng ka bophara.—Pes. 133:1; Joh. 13:35

• Tlotla ea ho sebetsa le Jehova mosebetsing o khotsofatsang oa ho boleloa ha litaba tse molemo.—Lik. 20:35; 1 Bakor. 3:9

• “Khotso ea Molimo” ea re matlafatsa ha re e-na le mathata.—Bafil. 4:6, 7

• Letsoalo le khutsitseng.—2 Tim. 1:3

• “Kamano e haufi-ufi le Jehova.”—Pes. 25:14

Nka bontša joang hore ke nka borapeli ba ’nete e le ba bohlokoa?