Etsa Hore ho Ithuta Bibele ho U Tsoele Molemo

HOBANE’NG HO LE BOHLOKOA?: Ho ithuta lentsoe la Molimo ho re thusa “ho utloisisa ka ho phethahetseng . . . bophara le bolelele le bophahamo le botebo” ba lentsoe la Molimo. (Ef 3:​18) E boetse e re thusa ho “ba ba sa tšoauoeng phoso le ba hlokang molato” lefatšeng lena le khopo le hore re ‘tšoare ka thata lentsoe la bophelo’. (Fil 2:​15, 16) Ho ithuta re le bang ho re fa monyetla oa hore re ikhethele hore na re batla ho ithuta re sebelisa sengoliloeng se fe. Re ka etsa’ng hore ho bala le ho ithuta Bibele ho re tsoele molemo?

KAMOO RE KA HO ETSANG KATENG:

• Tšoaea litemana kapa u ngole lintlha Bibeleng eo u e sebelisang ho ithuta kapa e sesebelisoeng sa elektronike

• Ipotse lipotso tse kang tsena ha u bala Bibele: ‘Mang? Eng? Neng? Hokae? Hobane’ng? Joang?

• Etsa lipatlisiso. Sebelisa lithulusi tsa ho etsa lipatlisiso ka taba kapa temana ea Bibele e amanang le taba eo

• Nahanisisa ka seo u se balang ebe oa lemoha hore na u ka se sebelisa joang

• Sebelisa seo u ithutileng sona bophelong ba letsatsi le letsatsi.​—Lu 6:​47, 48

SHEBELLANG VIDEO EA LE TŠOARE “KA THATA” HA LE NTSE LE ITHUTA BIBELE, KA MOR’A TENG LE ARABE LIPOTSO TSE LATELANG:

• Batho ba bang ba re ba ithuta Bibele joang?

• Ke hobane’ng ha re lokela ho rapela kamehla pele re ithuta Bibele?

• Ke’ng e ka re thusang ho utloisisa litemana tsa Bibele hantle?

• Re ka tšoaea lintlha tsa bohlokoa joang Bibeleng eo re ithutang ka eona?

• Ke hobane’ng ha ho le bohlokoa ho thuisa ha re ithuta lentsoe la Molimo?

• Re lokela ho etsa’ng ka seo re ithutileng sona?