Kamoo re ka Sebelisang Mehlala ea Seo re ka se Buang le Batho

Ho tloha ka January 2018, haesale ho hlaha mehlala ea seo re ka se buang le batho leqepheng le qalang la Bukana ea Seboka sa Bophelo ba Bokreste le Tšebeletso ea Rona. U ka sebelisa mehlala ee joang?

Ha u Fana ka Puo: U ka sebelisa lipotso le mangolo a hlahang mehlaleng ea seo re ka se buang le batho. Seo ha se bolele hore u tlameha hore u bue mantsoe ’ohle a hlahang videong ea seo re ka se buang le batho. U ka sebelisa mekhoa e fapaneng eo re e sebelisang ho ruta batho Bibele, selelekela se fapaneng, oa beha mabaka ka tsela e fapaneng joalo joalo. U ka ba oa fa mong’a ntlo sengoliloeng se hlahang ho Teaching Toolbox, le hoja litaelong tse fanoeng ho sa thoe u etse joalo.

Ha u le Tšimong: Mehlala ea seo re ka se buang le batho e etselitsoe ho re thusa ha re le tšimong. Haeba motho a bontša hore o thabela ho ithuta Bibele, u ka tsoela pele ka moqoqo mohlomong u sebelisa mohlala oa seo re ka se buang oa leeto la ho boela. Leha ho le joalo, u ka tenyetseha kapa oa sebelisa mehlala e meng e fapaneng. Na ho ka etsahala hore ebe mohlala oa khoeling e fetileng kapa lengolo le fapaneng le ka ama batho ba tšimong ea heno lipelo? Na ho na le ntho e etsahetseng haufinyane e entseng hore ba tšoenyehe? Ho sa tsotelehe hore na u sebelisa mehlala ea seo re ka se buang le batho joang, sepheo sa hao e lokela ho ba ho ‘etsa lintho tsohle ka lebaka la litaba tse molemo, e le hore u ka li arolelana le ba bang.’​—1Ko 9:​22, 23.