Ema u Tiile ha Bofelo bo Ntse bo Atamela

KE HOBANE’NG HA HO LE BOHLOKOA? Lintho tse tla etsahala haufinyane li tla leka sebete le tšepo ea rona ho Jehova ho feta leha e le neng pele. Matšoenyeho a maholo a tla qala ka hore ho felisoe bolumeli ba bohata. (Mat 24:​21; Tše 17:​16, 17) Nakong eo e moferefere, re ka ’na ra tlameha ho fana ka molaetsa o matla oa kahlolo. (Tše 16:​21) Gogo oa Magogo o tla re hlasela. (Eze 38:​10-12, 14-16) Jehova o tla sireletsa batho ba hae ka hore a tlise ntoa ea letsatsi le leholo la hae. (Tše 16:​14, 16) E le hore re tle re be sebete ha lintho tsena li etsahala, re hloka ho tšepahala ha re hlaheloa ke liteko hona joale.

RE KA ETSA JOANG?

• Ka sebete emela melao ea Jehova ea boitšoaro.​—Esa 5:20

• Tsoela pele u tla libokeng.​—Heb 10:​24, 25

• Mamela tataiso e tsoang mokhatlong oa Jehova.​—Heb 13:17

• Nahana kamoo Jehova a ileng a pholosa batho ba hae nakong e fetileng.​—2Pe 2:9

• Rapela Jehova ’me u mo tšepe.​—Pes 112:​7, 8

SHEBELLANG KAROLOANA EA VIDEO EA LINTHO TSE TLA ETSAHALA NAKONG E TLANG TSE TLA HLOKA HORE RE BE SEBETE EBE KA MOR’A MOO LE ARABA LIPOTSO TSE LATELANG:

• 

  Bahoeletsi ba ile ba thulana le teko efe ha phutheho ea bona e kopanngoa le liphutheho tse ling?

• 

  Ho mamela ho ka re thusa hore re be sebete joang?

• 

  Ke hobane’ng ha re tla hloka sebete ha Armagedone e fihla?

• 

  Ke tlaleho efe ea Bibele e ka re thusang hore re be le tumelo ea hore Jehova o tla re pholosa?​—2Likr 20:​1-24