U se ke oa Hasa Litaba Tseo Eseng ’Nete

Mehleng ena batho ba ka fumana litaba ka pele ha ba mamela liea-le-moea, ba shebella thelevishene, ba bala litaba inthaneteng kapa likoranteng. Batho ba rapelang “Molimo oa ’nete” ha ba batle ho hasa litaba tseo e seng tsa ’nete esita leha ekaba ka phoso feela. (Pes 31:5; Ex 23:1) Ha litaba tseo eseng ’nete li ntse li fetela ho batho ba bang, li ka ba kotsi haholo. Kahoo ha u batla ho utloa hore na taba e nepahetse, ipotse lipotso tse latelang:

• ‘Na litaba tsee li tsoa mohloling o nepahetseng?’ Motho a ka ’na a bua litaba empa a sa tsebe lintlha kaofela. Re lokela ho qoba ho bua litaba tseo re sa kholisehang hore li tsoa mohloling o nepehetseng hobane ha li ntse li fetela bathong ba bang, lia fetoha. Ba nang le boikarabelo ka phuthehong ba lokela ho qoba ho bua lintho tseo ba sa tsebeng hantle hore na li nepahetse kapa che hobane batho ba bangata ka phuthehong baa ba tšepa

• ‘Na litaba tsee li senya botumo ba motho?’ Ho ka ba molemo hore u se ke oa bua litaba haeba li ka senya botumo ba batho ba bang.​—Lipr 18:8; Fil 4:8

• ‘Na batho ba tla kholoa litaba tsee?’ U lokela ho ba hlokolosi ha u utloa litaba tse ka ’nang tsa makatsa batho

SHEBELLANG VIDEO EA NKA QOBA HO SEBA JOANG? EBE KA MOR’A MOO LE ARABA LIPOTSO TSE LATELANG:

• 

  Liproverbia 12:​18 e re lintho tseo re li buang li ka ba kotsi hakae?

• 

  Lengolo la Bafilipi 2:4 le ka re thusa joang ho khetha hore na ke’ng eo re e buang ka batho ba bang?

• 

  Re ka etsa’ng haeba re utloa batho ba bang ba bua motho e mong hampe?

• 

  Re lokela ho ipotsa lipotso life pele re ka qala ho bua ka batho ba bang?