Ho Ntlafatsa Bokhoni ba Rona Boboleling ka ho Paka re Sebelisa K’hamera Kapa Intercom

KE HOBANE’NG HA HO LE BOHLOKOA?: Ka lebaka la tlolo ea molao e ntseng e eketseha le ho ntlafala ha theknoloji, batho ba bangata ba se ba khona ho buisana le batho ba bang ba ntse ba le ka tlung ba sebelisa lik’hamera kapa li-intercom. Ka linako tse ling re ka ’na ra tšaba ho bua le motho ka Bibele re sa mo bone empa eena a ntse a re bona. Ho hopola lintlha tse latelang ho tla re thusa ho qoqa le batho ka Bibele re sebelisa lik’hamera kapa intercom.

KAMOO U KA HO ETSANG KATENG:

• Eba le maikutlo a matle. Batho ba bangata bao matlong a bona ho nang le intercom kapa k’hamera ba thabela ho qoqa le rona ka molaetsa oa Bibele.

• Re lokela ho hopola hore lik’hamera tse ling li qalella ho nka video hang ha u ema pel’a keiti kapa pel’a monyako. Kahoo re lokela ho ba hlokolosi kaha e ka ’na eaba mong’a ntlo o ntse a re shebile kapa o ntse a utloa hore na re re’ng.

• Haeba ho ba le motho ea arabang, re lokela ho bua le eena joalokaha eka re shebane mahlong. U lokela ho bososela le ho tsamaisa litho tsa ’mele ka tsela eo u neng u tla etsa ka eona ha mong’a ntlo a ne a eme pel’a hao. Bua ntho eo u neng u rerile hore u tla e bua ha mong’a ntlo a ne a ka hlaha monyako. Haeba ho na le k’hamera u se ke oa atametsa sefahleho sa hao haholo pel’a eona. Ha ho se motho ea arabang, u se ke oa siea molaetsa.

• U lokela ho hopola hore le haeba le qetile ho bua le mong’a ntlo, e ka ’na eaba o ntse a le shebile kapa a mametse hore na le ntse le re’ng.