Re Bontša Lerato ka ho Tšehetsa Khalemelo ea Jehova

Ho khaola motho ea sa bakeng ke mokhoa oa ho mo khalemela hape ho etsa joalo ho sireletsa phutheho. (1Ko 5:​6, 11) Re bontša lerato haeba re tšehetsa mokhoa ona oa Jehova oa ho khalemela. Batho bohle ba utloa bohloko ha motho a khaoloa ho akareletsa le beng ka eena le baholo ba neng ba le komiting ea boahloli. Ke joang re ka tšehetsang khalemelo ea Jehova le hoja maemo a le joalo?

Re susumetsoa ke ho rata melao ea Jehova e hloekileng ebile ha re rate hore botumo ba hae bo senyehe. (1Pe 1:​14-16) Hape re bontša hore re rata motho enoa ea khaotsoeng. Le hoja khalemelo ena e matla e le bohloko, e ka thusa motho ea khaotsoeng hore a ‘behe litholoana tsa khotso, e leng, ho loka.’ (Heb 12:​5, 6, 11) Haeba re itsoakanya le motho ea khaotsoeng kapa ea ikarotseng le phutheho re sitisa Jehova hore a mo khalemele. Hopola hore Jehova o khalemela batho ba hae “ka tekanyo e loketseng.” (Jer 30:​11) Ha re ntse re letetse hore motho ea khaotsoeng a khutlele ho Jehova, re tla tsoela pele ho tšehetsa khalemelo eo le ho etsa sohle seo re ka se khonang ho matlafatsa setsoalle sa rona le Jehova.​—Esa 1:​16-18; 55:7.

SHEBELLANG VIDEO EA TŠEPAHALA KA PELO EOHLE EBE LE ARABA LIPOTSO TSE LATELANG:

• 

  Batsoali ba utloa bohloko hakae ha ngoana oa bona a lahla Jehova?

• 

  Phutheho e ka tšehetsa lelapa leo setho sa lona se khaotsoeng joang?

• 

  Ke pale efe ea Bibele e bontšang bohlokoa ba ho tšepahalla Jehova ho feta litho tsa malapa a rona?

• 

  Re ka bontša joang hore re tšepahalla Jehova ho feta litho tsa malapa a rona?