Khalemelo e Bontša Hore Jehova oa re Rata

Khalemelo e amana le ho ruta le ho laea hape e ka boela ea bolela ho lokisa kapa ho fuoa kotlo. Khalemelo ea Jehova e re thusa hore re mo sebeletse ka tsela eo a e amohelang. (Bar 12:1; Heb 12:​10, 11) Ka linako tse ling, khalemelo e ka ba bohloko empa ba e fumanang e ka ba thusa hore e be batho ba lokileng le hore ba fumane litlhohonolofatso tsa Jehova. (Lipr 10:7) Batho ba khalemeloang le ba khalemelang ba lokela ho hopola’ng?

Motho ea khalemelang. Baholo, batsoali le ba bang ba etsisa Jehova ka hore ba leke ka matla ho khalemela ka tsela e lerato le e mosa. (Jer 46:​28) Esita le khalemelo e matla e lokela hore e fanoe ka lerato le ka tsela e loketseng.​—Tit 1:13.

Motho ea khalemeloang. Ho sa tsotellehe hore na re fuoa khalemelo ea mofuta ofe, re lokela ho e amohela ’me re e sebelise hang-hang. (Lipr 3:​11, 12) Kaha ha rea phethahala, kaofela ha rona re hloka khalemelo ho sa tsotellehe hore na re e fuoa joang. Re ka fumana khalemelo ha re bala Bibele, ha re le libokeng ’me ka linako tse ling ba bang ba ka e fumana ho komiti ea boahloli. Haeba re amohela khalemelo ’me re e sebelisa, re tla thabela bophelo hona joale ’me re phele ka ho sa feleng nakong e tlang.​—Lipr 10:17.

SHEBELLANG VIDEO EA “JEHOVA O KHALEMELA BAO A BA RATANG” EBE LE ARABA LIPOTSO TSE LATELANG:

• 

  Bophelo ba mora oa bo rona Canon bo ne bo le joang pele, hona bo ile ba fetoha joang?

• 

  Jehova o ile a mo khalemela ka lerato joang?

• 

  Re ka ithuta’ng mohlaleng oa mor’a bo rona Canon?