Na u ka Rata ho Etsa Kopa ea ho ea Sekolong sa Baevangeli ba ’Muso?

Na u pula-maliboho ea kamehla ebile u lilemong tse pakeng tsa 23 le 65? Na u phetse hantle ebile u ka khona sebetsa hohle moo ho hlokahalang baboleli ba litaba tsa ’Muso oa Molimo? Haeba lipotsong tsena kaofela u arabetse ka e! na u se u kile oa nahana ka ho etsa kopo ea ho ea Sekolong sa Baevangeli ba ’Muso? Ho tloha sehlopheng sa pele feela banyalani, bara le barali ba bo rona ba masoha ba likete ba entse kopo ea ho ea sekolong sena. Leha ho le joalo, ho hlokahala bara ba bo rona ba bangata ba masoha hore ba etse kopo. Kopa Jehova hore a u eketselletse takatso ea ho batla ho mo sebeletsa le ho batla ho etsisa mora oa hae. (Pes 40:8; Mat 20:​28; Heb 10:7) Kamor’a moo, batla mekhoa ea ho eketsa tšebeletso ea hao ho Jehova e le hore u tle u tšoanelehe.

Batho ba tsoang sekolong see ba bulehetsoe ke menyetla efe ea tšebeletso? Ba bang ba ile ba khetheloa ho sebeletsa libakeng tseo ho buuoang lipuo tse ling, ha ba bang bona ba ile ba khetheloa ho ea paka phatlalatsa ka tsela e khethehileng literopong tse kholo. Hamorao, ba bang ba sebeletsa e le balebeli ba potoloho, bathusi ba bapotolohi kapa barumuoa. Ha u ntse u nahana ka lintho tseo u ka li etsang tšebeletsong ea Jehova, e-ba le maikutlo a tšoanang le a moprofeta Esaia ha a re: “Ke ’na enoa! Roma ’na.”​—Esa 6:8.

SHEBELLANG VIDEO EA BARUMUOA KE BAKOTULI EBE LE ARABA LIPOTSO TSE LATELANG:

• 

  Barumuoa ba khethoa joang?

• 

  Barumuoa ba etsa mosebetsi ofe o motle?

• 

  Barumuoa ba fumana litlhohonolofatso life?