Cheseha ha u Ruta

Ha u cheseha, u ka etsa hore le batho ba bang ba chesehe ebile ba tla mamela ka hloko lintho tseo u li buang. Ha re cheseha, re bontša hore re nka molaetsa oa rona e le oa bohlokoa. Ho sa tsotellehe setso kapa botho ba rona, re ntse re ka loanela hore re chesehe. (Bar 12:11) Re ka khona joang?

Ntlha ea pele, nahana hore na molaetsa oa hao ke oa bohlokoa hakae. U na le monyetla oa ho ‘bolela litaba tse molemo tsa lintho tse molemo!’ (Bar 10:15) Ntlha ea bobeli, nahana hore na litaba tsa hao li ka ntlafatsa bophelo ba bamameli ba hao joang. Ba hloka ho utloa litaba tseo. (Bar 10:13, 14) Ntlha ea ho qetela, bua ka cheseho. Tsamaisa matsoho, hlooho le mahetla ka tsela e loketseng u be u bontše boikutlo ba hao sefahlehong.

SHEBELLANG VIDEO EA THABELA MOSEBETSI OA HO ETSA BARUTUOA​—NTLAFATSA TSELA EO U RUTANG KA EONA​—KA HO CHESEHA HA U RUTA EBE LE ARABA LIPOTSO TSE LATELANG:

• 

  Ke’ng e ileng ea etsa hore Nteboheleng a se ke a chesehela ho ithuta Bibele le Lipontšo?

• 

  Nteboheleng o ile a thusoa ke’ng hore a boele a chesehe?

• 

  Ke hobane’ng ha re lokela ho ameha ka makhabane a bamameli ba rona?

• Cheseho ea rona e ka ama batho bao re ithutang Bibele le bona le batho ba bang joang?