Nahanela

Ho nahanela kapa ho qenehela ke ho utloisisa tsela eo motho e mong a nahanang ka eona, melao eo a ipehetseng eona, maikutlo a hae le lintho tseo a li hlokang. Batho ba khona ho utloa ha motho e mong a ba nahanela ’me motho ea nahanelang o etsa joalo hobane a utloa a batla ho thusa batho ba bang. Ha re qenehela batho bao re kopanang le bona tšimong, re bontša hore re etsisa Jehova kaha o lerato hape o nka batho e le ba bohlokoa ebile ho etsa joalo ho tla etsa hore ba batle ho ithuta ka eena.​—Fil 2:4.

Ho qenehela ha se leqheka leo re le sebelisang hobane feela re batla ho ruta batho Bibele. Empa re bontša hore re ba qenehela e le kannete ka ho ba mamela ha ba bua, ho ba le maikutlo a matle ka bona, boitšisinyo ba ’mele le tsela eo re shebahalang ka eona sefahlehong. Re nahanela motho ka ho mo bontša hore re mo nka e le oa bohlokoa. Ha re etsa joalo, re tla tseba lintho tseo a li lumelang, tseo a li ratang le hore na maemo a hae ke afe. Rea mo thusa ebile re mo fa le likeletso tse ling tse ka mo thusang empa ha re mo qobelle hore a fetohe. Ha batho bao re kopanang le bona tšimong ba lumela ha re ba thusa, thabo ea rona ea eketseha.

SHEBELLANG VIDEO EA THABELA MOSEBETSI OA HO ETSA BARUTUOA​—NTLAFATSA TSELA EO U RUTANG KA EONA​—KA HO NAHANELA EBE LE ARABA LIPOTSO TSE LATELANG:

• 

  Nteboheleng o ile a bontša joang hore o nahanela Lipontšo ha a sa fihla ka nako?

• 

  Nteboheleng o ile a bontša joang hore oa qenehela ha Lipontšo a ne a mo bolella hore o imetsoe hoo a ke keng a khona ho bala?

• 

  Nteboheleng o ile a bontša joang hore oa nahanela ha Lipontšo a mo bolella hore ha se motho ea hlophisehileng?