E-BA MAFOLOFOLO MOSEBETSING OA BOBOLELI | EKETSA THABO EA HAO BOBOLELING
Sebelisa Lintho Tseo re Etsang Lipatlisiso ka Tsona
Jehova o re fa lithulusi tse re thusang hore re atlehe ho ruta tse kang livideo, lipampitšana, limakasine, libukana, libuka le Bibele eleng eona ea bohlokoa haholo. (2Ti 3:16) O boetse o re file lithulusi tsa ho etsa lipatlisiso e le hore re khone ho hlalosa mangolo. Lithulusi tsena li akaralletsa Watchtower Library, JW Library® app, Watchtower ONLINE LIBRARY™ le Tataiso ea ho Etsa Lipatlisiso ea Lipaki Tsa Jehova.
U tla thaba ha u sebelisa lithulusi tsena ho batlisisa se ka Lentsoeng la Molimo. Koetlisa batho bao u ithutang Bibele le bona hore ba sebelise lithulusi tsena. Ho etsa joalo ho tla etsa hore le bona ba thabe ha ba fumana likarabo tsa lipotso tsa bona ka Bibeleng.
SHEBELLANG VIDEO EA THABELA MOSEBETSI OA HO ETSA BARUTUOA—AMOHELA THUSO EA JEHOVA—LINTHO TSEO RE ETSANG LIPATLISISO KA TSONA EBE LE ARABA LIPOTSO TSE LATELANG:
Lipontšo o ile a hanyetsa taba efe e mabapi le popo?
Nteboheleng o ile a fumana lintlha tse mabapi le taba ee hokae?
Re thabisoa ke ho fumana matlotlo a tsoang ka Bibeleng le ho a arolelana le ba bang
Nteboheleng o ile a khetha lintlha tse tla thusa Lipontšo joang?
Ho sebelisa lithulusi tsa ho etsa lipatlisiso ho ile ha thusa Nteboheleng joang?