Mocha Tšollela Pelo ea Hao ho Batsoali ba Hao

Ke hobane’ng ha u lokela ho bolella batsoali ba hao kamoo u ikutloang kateng? (Lipr 23:26) Ke hobane Jehova o ba file boikarabelo ba hore ba u hlokomele le ho u tataisa. (Pes 127:3, 4) Ho ka ba thata hore ba u thuse ha u sa ba bolelle lintho tse u tšoenyang le tsela eo u ikutloang ka eona. U ka fetoa ke monyetla oa ho ithuta lintho tseo bona ba ileng ba ithuta tsona bophelong. Na ho phoso ho se ba bolelle lintho tsohle? Eseng ka linako tsohle, hafeela u etsa bonnete ba hore ha u ba thetse.​—Lipr 3:32.

U ka bua le batsoali ba hao joang? Leka ho bua le bona ka nako e le loketseng kaofela ha lona. Haeba seo se u thatafalla u ka ngolla e mong oa bona lengolo ho mo bolella kamoo u ikutloang kateng. U tla etsa’ng haeba ba batla ho bua ka ntho eo u sa thabeleng ho bua ka eona? Hopola hore ba batla ho u thusa. Nka batsoali ba hao e le metsoalle ea hao eseng lira tsa hao. Boiteko ba hao ba hore u buisane le batsoali ba hao u phutholohile, bo tla u thusa bophelo bohle ba hao!​—Lipr 4:​10-12.

SHEBELLANG VIDEO EA BOCHA BA KA​—NKA BUISANA LE BATSOALI BA KA JOANG? EBE LE ARABA LIPOTSO TSE LATELANG:

• 

  Esther le Partik ba ile ba hlokomela’ng ka tsela eo ba neng ba etsa lintho ka eona?

• 

  U ka ithuta’ng mohlaleng oa Jesu?

• 

  Batsoali ba hao ba bontšitse joang hore baa u rata?

• 

  Ke melao-motheo efe ea Bibele e ka u thusang hore u khone ho buisana le batsoali ba hao?