Liteko Tsohle li Tla Fela

Ho ka ba bonolo hore liteko tseo re kopanang le tsona li re nyahamise, haholo-holo ha li nka nako e telele. Davida o ne a tseba hore bothata ba hae bo neng bo bakoa ke Morena Saule bo ne bo tla fela, le hore e ne e tla ba morena joalokaha Jehova a ne a tšepisitse. (1Sa 16:13) Tumelo eo Davida a neng a e-na le eona e mo thusitse hore a be le mamello le ho letela Jehova.

Ha re na le mathata, re ka leka ho sebelisa bohlale kapa tsebo ea rona ho fetola maemo a rona. (1Sa 21:12-14; Lipr 1:4) Leha ho le joalo, mathata a mang a tla lula a le teng esita le haeba re entse sohle seo re ka se khonang ho a rarolla re sebelisa melao-motheo ea Bibele. Maemong a joalo, re lokela ho ba le mamello ’me re letele Jehova. Haufinyane o tla felisa mathata a rona ’me a ‘hlakole meokho eohle’ ea rona. (Tše 21:4) Ebang mathata a rona a felisoa ke Jehova ka ho toba kapa a fela ka lebaka le leng le itseng, seo re se tsebang ke hore: Liteko tsohle li tla fela. Ho tseba seo ho ka re khothatsa.

SHEBELLANG VIDEO EA BATHO BA MOMAHANENG LEFATŠENG LE AROHANENG EBE LE ARABA LIPOTSO TSE LATELANG:

• Ke mathata afe ao Bakreste ba karolong e ka boroa ea Amerika ba kopaneng le ’ona?

• Ba ile ba bontša lerato le mosa joang?

• Ba ile ba tsoela pele ho “nepisisa lintho tsa bohlokoa” joang?​—Fil 1:10