PHELA JOALOKA MOKRESTE
Jehova o re Thusa ho Mamella Mathata a Rona
Matsatsing ana a ho qetela, re hlaheloa ke mathata a mangata a boima. Ka linako tse ling re ka utloa re sena matla a ho mamella mathata. Leha ho le joalo, ha re tsoela pele ho atamela ho Jehova, a ka re thusa ho mamella mathata a re sithabetsang. (Esa 43:2, 4) Re ka atamela haufi le Jehova joang ha re e-na le mathata?
Thapelo. Ha re joetsa Jehova hore na re ikutloa joang, o re fa khotso ea kelello le matla a ho mamella.—Baf 4:6, 7; 1Th 5:17.
Liboka. Ho feta leha e le neng pele, re hloka molaetsa oa Bibele le botsoalle tseo Jehova a fanang ka tsona libokeng. (Heb 10:24, 25) Re rua molemo thusong eo Jehova a fanang ka eona ka moea oa hae, ha re ea libokeng re lokiselitse re bile re nka karolo ho tsona.—Tše 2:29.
Tšimo. Ha re lula re phathahane mosebetsing oa boboleli, ho tla ba bonolo ho lula re nahana ka lintho tse molemo. Re tla tiisa setsoalle sa rona le Jehova le Bakreste-’moho le rona.—1Ko 3:5-10.
SHEBELLANG VIDEO EA JEHOVA O TLA U HLOKOMELA EBE LE ARABA LIPOTSO TSE LATELANG:
Ke eng e ileng ea thusa Malu ho lula a e-na le kamano e ntle le Jehova ha a hlaheloa ke mathata?
Joalokaha mantsoe a hlahang ho Pesaleme ea 34:18 a ile a tšelisa Malu, rona a ka re tšelisa joang?
Mohlala oa Malu o bontša joang hore Jehova o re fa “matla a sa tloaelehang” ha re hlaheloa ke mathata?—2Ko 4:7