Selelekela
Na u labalabela ho phela lefatšeng le se nang lintoa le liketsahalo tse bohloko? Batho ba bangata ba lumela hore seo se ke ke sa etsahala. Bibele e a hlalosa hore na ke hobane’ng ha batho ba ke ke ba khona ho thibela lintoa. E boetse e a hlalosa hore na u ka kholiseha joang hore khotso e tla ba teng lefatšeng lohle le hore seo se tla etsahala haufinyane.
Makasineng ena, mantsoe “ntoa” le “khohlano” a hlalosoa e le ntoa e teng pakeng tsa mebuso e loantšanang e sebelisa libetsa tsa ntoa. A mang a mabitso a sebelisitsoeng makasineng ena a fetotsoe.