Lintlha Tsa Sehlooho Tsa Selemo se Fetileng

Jehova Molimo o ile a bululela Esaia hore a profete a re: “Ke tla tlisa khauta ho e-na le koporo, ke tla tlisa silevera ho e-na le tšepe, ’me ke tla tlisa koporo, ho e-na le lehong, ke tlise tšepe, ho e-na le majoe.” (Esa. 60:17) Selemong se fetileng, re bone bopaki bo totobetseng ba hore boprofeta bona bo tsoela pele ho phethahala. Ha motho a ntša thepa ea boleng bo tlaase ’me a kenya ea boleng bo phahameng, seo se bontša katleho. Ka ho tšoanang, Lipaki Tsa Jehova li ile tsa ntlafatsa tsela eo mokhatlo o tsamaisoang ka eona nakong ena ea bofelo.—Mat. 24:3.