Temana ea Selemo ea 2016

“Ba bangata ba tla . . . hloeana. . . . Lerato la ba bangata le tla fola.” (Mat. 24:10, 12) Mantsoe ana a Jesu a ne a boletse esale pele hore batho ba neng ba tla phela lilemo pele Jerusalema e timetsoa ka 70 C.E., ba ne ba tla hloka lerato. Leha ho le joalo, barutuoa ba Kreste ba ne ba tla bonahala ka lerato. (Joh. 13:35) E tlameha ebe Bakreste ba Baheberu ba ile ba khothala ha ba bala mantsoe a Pauluse a bontšang hore o ananela lerato la bara ba motho leo ba le bontšang, le hore o ba khothalletsa hore ba tsoele pele ba le bontša.

Hona joale tsamaiso ea lintho ea lefatše la Satane e haufi le ho felisoa. Ho tšoana le barab’abo rōna ba mehleng ea baapostola, re phela har’a batho ba ratang chelete, baithati, ba ratang menyaka ho e-na le ho rata Molimo kapa moahelani. (2 Tim. 3:1-4) Leha ho le joalo, lerato la bara ba motho le tsoela pele ho hōla har’a Lipaki Tsa Jehova lefatšeng lohle. E se eka re ka rorisa Jehova, e leng mothofatso oa lerato, ka hore lerato la rōna la bara ba motho le tsoele pele.