Bibele e ka u Thusa Hore u se ke oa Hlora

Ka 2023, litsebi tsa bophelo botle li ile tsa hlokomela hore ho hlora ke bothata bo boholo bo hlokang ho emeloa ka maoto. Na ho na le tharollo?

• Dr. Vivek Murthy o re: “Ho hlora le ho ikarola ho batho bang ho ka re kulisa.” O boetse o re: “Na ho na le seo re ka se etsang? Re ka sebetsa ka thata letsatsi le leng le le leng hore re matlafatse setsoalle le batho ba haufi le rona.”a

Ka linako tse ling motho a ka hlora a ntse a e-na le batho ba bang. Leha ho le joalo, Bibele e ka re thusa ho sa tsotellehe hore na ke’ng e etsang hore re hlore. E na le likeletso tse molemo tse ka re thusang hore re matlafatse setsoalle sa rona le ba haufi le rona le ho hlola ho hlora.

Melao-motheo ea Bibele e ka re thusang

Buisana le batho ba bang. Bolella batho ba bang hore na u ikutloa joang empa le uena u ba mamele ha ba hloka ho ntša maikutlo a bona. Ha u ipha nako ea ho mamela batho ba bang u tla ba le metsoalle ea ’nete.

• Molao-motheo oa Bibele: “Le se ke la ameha feela ka lintho tse le tsoelang molemo empa le amehe le ka lintho tse tla tsoela batho ba bang molemo.”—Bafilipi 2:4.

Etsa setsoalle le batho ba fapaneng. Leka ho etsa metsoalle le batho ba baholo, ba banyenyane ho uena le ba tsoang merabeng e meng.

• Molao-motheo oa Bibele: “Le eketse lerato leo le re ratang ka lona.”—2 Bakorinthe 6:13.

Ho fumana lintlha tse eketsehileng tsa hore na u ka etsa’ng ha u hlorile, bala sehlooho se re’ng “Ho Ikhotsofatsa Tabeng ea ho Batla Botsoalle.”