Na Lipaki Tsa Jehova li na le Baruti ba Lefuoang?

Lipaki Tsa Jehova li latela mohlala oa Bakreste ba lekholong la pele la lilemo, ha li na baruti ba lefuoang. Litho tsohle tse kolobelitsoeng ke basebeletsi ba hlomaisitsoeng ’me ba kopanela mosebetsing oa ho bolela le oa ho ruta. Lipaki li hlophisitsoe ka liphutheho tse nang le litho tse ka bang 100. Phuthehong ka ’ngoe, banna ba hōlileng moeeng ba sebeletsa e le “banna ba baholo,” kapa baholo. (Tite 1:5) Ba sebeletsa phutheho ba sa pataloe.