Na Bibele ke Buka e Ngotsoeng ka Bohlale ba Batho?

Karabo ea Bibele

Bibele, eo hape e tsejoang ka hore ke Mangolo a Halalelang, e na le mantsoe a mangata a bohlale. Leha ho le joalo, hlokomela hore na Bibele e re’ng ha e ipuella: “Lengolo lohle le bululetsoe ke Molimo.” (2 Timothea 3:16) Ho na le bopaki bo bongata bo tšehetsang seo. Nahana ka lintlha tse latelang:

• Ha ho na motho ea kileng a atleha ho hanyetsa ho nepahala ha histori ea Bibele.

• Bangoli ba Bibele e ne e le banna ba tšepahalang le ba ngotseng ba sa pate letho. Ho ngola ha bona ka botšepehi ho etsa hore ’nete e utloahale ka ho hlaka.

• Ntho e ka sehloohong eo Bibele e buang ka eona ke: ho tlosoa ha qoso tokelong ea Molimo ea ho busa batho le ho phethahatsoa ha morero oa hae ka ’Muso oa hae oa leholimo.

• Le hoja e ngotsoe lilemong tse likete tse fetileng, Bibele ha e na likhopolo tse fosahetseng tsa saense tse neng li amoheloa hohle mehleng ea boholo-boholo.

• Tlaleho ea histori e paka hore boprofeta, kapa lintho tse boletsoeng esale pele ka Bibeleng, li ile tsa phethahala.