POTSO EA 6
Bibele e ile ea profeta eng ka Mesia?
BOPROFETA
“Uena Bethlehema Efratha, . . . ho uena ho tla hlaha ’musi oa Iseraele.”
PHETHAHATSO
“Ka mor’a hore Jesu a hlahele Bethlehema e Judea mehleng ea puso ea Morena Heroda, balepi ba linaleli ba tsoang ka Bochabela ba tla Jerusalema.”
BOPROFETA
“Ba arolelana liaparo tsa ka, ba lahla lotho bakeng sa liaparo tsa ka.”
PHETHAHATSO
“Ka mor’a hore masole a khokhothele Jesu palong, a nka liaparo tsa hae a li tabola likarolo tse ’nè . . . A nka le seaparo sa hae sa ka hare. Empa sona se ne se se na moroko, se lohiloe ho tloha holimo ho ea tlase. Masole ao a re: ‘A re se keng ra se tabola, re lahle lotho hore re tle re bone hore na e tla ba sa mang.’”
BOPROFETA
“O lebela masapo ’ohle a hae. Ha ho na le le leng la ’ona le robehileng.”
PHETHAHATSO
“Ha a fihla ho Jesu a bona hore o se a shoele eaba ha a mo robe meomo.”
BOPROFETA
“O ile a hlajoa ka lebaka la litšito tsa rona.”
PHETHAHATSO
“Lesole le leng la mo hlaba lehlakoreng ka lerumo eaba ho tsoa mali le metsi.”
BOPROFETA
“Ba mpatala moputso oa ka oa likotoana tse 30 tsa silevera.”
PHETHAHATSO
“E mong oa baapostola ba 12 ea bitsoang Judase Iskariota, a ea ho baprista ba baholo a re: ‘Le tla mpha eng ha nka le fa eena hore le mo tšoare?’ Ba mo tšepisa likotoana tsa silevera tse 30.”