Pina ea 135
Jehova, Setšabelo sa Rōna
1. Uena Jehova setšabelo
Sa rōna melokong eohle.
E sa le u le teng Jehova,
U moholo ho ntho tsohle.
Molimo, Ntate oa ka mehla;
U lula u sa fetohe.
Le hoja u ahlotse motho,
Ka rat’o re lopolotse.
2. Lemo tse sekete ho uena
E ka tsatsi la maobane.
’Me motho o mela e ka joang
Bo ichoellang haufinyane.
Re phela lemo tse mashome
A isang ho a robeli,
’Me li tletse bomalimabe
Hammoho le litsietsi.
3. Re rute ho bala matsatsi
Hore re thabe kamehla.
’Me ha re etsa ka bohlale,
Ka thabo re tla u boka.
Re kōpa hore oa hao mosa
O be ho rōna kaofela.
Hl’o nolofatsa seo re s’etsang
Le tšebeletso ea rōna.