Pina ea 50
Ho Arabela Leratong la Molimo
1. Molimo, u moholo, U rateha haholo,
Jehova, re tla u rorisa (Ntate).
Re’u binele thoriso, Re phahamise bitso la hao le senolang bouena (’Mōpi).
U bontša pelo-nolo,
U thabela le khotso;
U bontša matla le bohlale (nthong tsohle).
Re tšepisoa ke Mangolo tlhohonolofatso
Ea hao ha re le ba khabane (kamehla).
2. U re ratile pele Ka ho romela Lentsoe;
Le re tliselitseng topollo (ena)
Le u tsebahalitse
Hore re u tlotlise, re tle re fumane bophelo (phelo).
La re bontša lerato ’Me le feta la batho
Hobane le re shoetse bohle (e le mpho).
Re’a thaba ha re rutoa Ke lona, le ho thusoa,
E le hore re se timele (kaofela).
3. Lefatše la bohata Le ke ke la re lahla;
Re tiee ho bolela ’nete (ea hao).
Re tla bontša lerato
Ha re bua le batho; re tla ba ruta ka Bibele (melao).
’Me ha re sebeletsa Hammoho re phehella
Ho ratana ka pelo eohle (le moea).
Ha re atisa pondo Ka ho bolela ’Muso,
O tla re ho rōna: “Ke hantle.” (haholo.)