Pina ea 36
“Ho Lehlohonolo ba Bonolo”
1. Ba pelo-nolo ba iketla;
Ke ba hlo’onolofalitsoeng.
E, leha ba ka hlokofatsoa,
Ke Jah eo ba mo tšepileng.
Ba babe ha ba ba tšose,
E leng ba iphahamisang.
Ba ke ke ba bona bophelo:
Ba tla shoa ho tšoana le joang
2. “Ke bile mocha ’me ke hōtse,”
Ho buile Khosi Davida,
“Ha k’e-so ho bone molōki
A sotloa kapa a lapa.”
U itšepele Jehova.
Tsamaea, u tiee tokeng,
Ha u thabela Mong a rōna,
O tla ba ea nyakaletseng.
3. Ho ke ke ha e-ba le tulo
Fatšeng bakeng sa ba babe.
Mpho ea bophelo ba sebele
E tla fuoa ba khabane.
Ho fihlela nakong eno
Re tla ba ba tiisetsang.
Re be ba mosa le bonolo,
Ho tsohle ts’e re li etsang.