Polokelo ea Libuka Tsa Boitsebiso e Enneng

Ke kamoo babali ba Molula-Qhooa le Tsoha! ba nkang limakasine tsena.

Ha a ngola lebitsong la hae le la lelapa la hae, monna e mong ea tsoang Philippines o lebohile Watch Tower Bible and Tract Society ka ho fana ka likopi tsa nako e fetileng, a re:

“Joaloka khatisong e ’ngoe le e ’ngoe ea limakasine tsa lōna, li jere letlotlo la boitsebiso. Ha li hlakisi feela litabeng tsa bolumeli, empa li boetse li koahela mafapha a batsi a kang thuto ea tsa mahlale, meriana, histori, puso, le puo. Ho bonahala eka tokollo e ’ngoe le e ’ngoe e na le lihlooho tsa molemo o ikhethang ho rōna.

“Nka boetse ka bolela hape hore re ile ra bokella litokollo tsa rōna tsa nako e fetileng tsa Molula-Qhooa le Tsoha! ho li etsa meqolo. Hona joale ho teng meqolo e joalo e mene e beiloeng liluloaneng tsa phaposi ea rōna ea polokelo ea libuka. Ke libuka tse molemohali bakeng sa litsupiso, ’me nako le nako re retelehela ho tsona bakeng sa keletso e thusang le tsusumetso.”

U ka tlisetsoa Molula-Qhooa le Tsoha! lapeng la hao. Romella feela R9,75 ’me u tla amohela limakasine tsena ka bobeli (likopi tse tharo ka khoeli) ka selemo.

Ka kōpo nthomelleng peeletso ea selemo ea limakasine tsa Molula-Qhooa le Tsoha! Ke kentse R9,75 bakeng sa likopi tse 36.