Le Ratane ka Matla Haholo ho Tloha Pelong

1. Rato le ke le tsoe pelong,

Oo ke mohloli oa lona;

Le re thusa ho utloana

Le Bakreste bohle.

Re tla tseba ho le bontša

Re be le pheo se setle,

Re etsise Molimo, Jah,

Re bontše lerato.

Ka mantsoe le liketso,

Re rateng le bafumanehi,

Re etse se molemo

Ha ho hlaha monyetla.

’Me re bontše ba bang tlhompho;

Re tla ameha ka bona.

Re se pepese liphoso

Tsa bara babo rōna,

Re sireletse bonngoe.

2. Ha re ena le lerato,

Re ke ke be ra khopeha;

Ruri re na le mabaka

A ho tšepa ba bang.

Re tšepahale ho bona;

’Me re ratane kamehla.

A re bokaneng ka thabo,

Re matlafatsane.

Tsatsi ka leng rea fosa;

’Me re bua re sa nahane.

Are bontšeng mosa ho

Ba ratoang ke Jehova.

Re be metsoalle ea ’nete,

Re matlafatse setsoalle.

’Me re tsejoe ka lerato,

Re tlotlise Molimo;

Re be re mo etsise.